АУДАН ЖАҢАЛЫҚТАРЫ

Түркістан облысының әкімі Жансейіт Түймебаев түркиялық «ERA» компаниясының өкілдерімен кездесті. Бұл әлемде инновациялық сәулеттік жобалармен танылған ұйым. 1972 жылы құрылған компания Париж, Ыстамбұл, Бейжің мен Мәскеу сынды қалаларда жұмыс істейді. «ERA» компаниясы «Orteksan» ұйымының еншілес мүшесі. Аталған компаниялар индустриалды аймақтардың дамуымен шұғылданады. Қос ұйымның басшысы Берксан Буюкиылдыз Түркістан қаласындағы бой көтеретін ғимараттардың сәулеттік жобаларын әзірлеп, сондай-ақ Түркістан облысындағы индустриалды аймақтарды дамытуға ниетті екендігін жеткізді.

Шетелдік компания ұсыныстарын тыңдаған облыс басшысы өңірде инвесторлар мен кәсіпкерлер арналған қолдаулармен таныстырды.

«Қазіргі таңда облыста инвестициялық климат қалыптасқан. Кәсіпкерлікті дамыту бағытында қажетті жүйе, қолдау бар. Оның үстіне Түркістан облысы 2 миллионға жуық халқы бар өңір. Облыс орталығы Түркістан қаласы халықаралық магистраль жолында орналасқан экономикалық тиімді аймақ. Жаңа қаланың құрылысы кезеңінде сіздермен әріптестік танытуға дайынбыз. Түркістанның сәулеттік келбеті заманауи, озық болуына бірлесіп үлес қосуымыз керек», – деді Жансейіт Қансейітұлы.

Алдағы уақытта қос тарап Түркістан облысы мен өңір орталығындағы индустриалды аймақ мен ғимараттардың сәулеттік жобасы аясында әріптестік танытпақ.

Түркістан облысы әкімінің баспасөз қызметі

Бүгін Түркістан облысының әкімі Жансейіт Түймебаевтың төрағалығымен облыс әкімдігінде кеңейтілген мәжіліс өтті. Күн тәртібінде көпбалалы аналар мен жағдайы төмен отбасыларға көмек беру мәселесі қаралды.

Басқосуда әлеуметтік сала бойынша атқарылып жатқан жұмыстар туралы облыс әкімінің орынбасары Ербол Садыр баяндама жасады. Мәліметіне сәйкес, 2018 жылы “Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» Мемлекеттік бағдарламасы” шеңберінде 69,7 мың адамға жұмыспен қамту шаралары көрсетілген. Оның ішінде, 29,4 мың адам немесе 42,2 пайызы аз қамтамасыз етілген отбасылардың азаматтары қатарынан.

“2018 жылы облыс бойынша 34389 отбасыға (195 620 адам) жалпы сомасы 15 млрд. 674,5 млн.теңге көлемінде атаулы әлеуметтік көмек тағайындалды. Оның ішінде, шартты ақшалай көмек 30702 отбасыға (179 801 адам) 14 млрд. 772,4 млн.теңге, ал шартсыз ақшалай көмек 3687 отбасыға (15 819 адам) 902,1 млн.теңге. Атаулы әлеуметтік көмекпен қатар аз қамтылған отбасыларға тұрғын үй көмегі көрсетілуде. 2018 жылы аз қамтылған 4367 отбасыға (250 09 адам) 152,3 млн. теңгеге тұрғын үй көмегі көрсетілді. Жалпы әлеуметтік көмек алушылардың қатарындағы көпбалалы отбасылардың үлесі 50 пайызға жуық (16,5 мың отбасы)”, – деді Е.Садыр.

Бұл жұмыстардың осы жылы да жалғасын табатынын айтқан облыс әкімінің орынбасары 2019 жылы атаулы әлеуметтік көмек алушылардың саны 207,5 мың адамға жоспарланып, атаулы әлеуметтік көмек бойынша қаржы қажеттілігі 13,6 млрд.теңге құрайтынын баяндады. Оның 50 пайызы көпбалалы отбасыларға арналған.

Мұнан соң, мінберге облыстық білім басқармасының басшысы Исатай Сағындықов, денсаулық сақтау басқармасының басшысы Мұқан Егізбаев, облыстық отбасы, балалар және жастар істері жөніндегі басқармасының басшысы Балмаржан Нарбекова шығып, салалар бойынша атқарылған жұмыстардың барысына тоқталды. Саладағы жетістіктермен қатар, шешімін табуды қажет ететін мәселелерді оңтайландыруда ұсыныс-пікірлерін білдірді.

Мәжіліс соңын облыс әкімі қорытындылап, өңірдегі көпбалалы отбасылар туралы нақты ақпаратты дайындаудан бастап, оларға көрсетілетін мемлекеттік, әлеуметтік көмек түрлері сынды барлық қолдауларды анықтауды тапсырды.

“Өтініш білдірген көпбалалы аналарды жұмыспен қамтуға жәрдем беруді, кедейлік шегінен төмен отбасыларға жергілікті бюджет есебінен 5-10 АЕК көлемінде материалдық көмек беру мүмкіндігін қарастырып, нақты ұсыныс енгізуді тапсырамын. Сонымен бірге, мектептерге біріңғай мектеп формасын енгізіп, оның ішінде көпбалалы отбасылардан шыққан оқушыларды тегін формамен қамтамасыз ету бойынша нақты ұсыныс енгізілсін. Облыстық бюджеттен субсидиялау арқылы барлық оқушыларға 50 пайыз көлемінде арзандатылған тамақ ұйымдастыру, тамақтану комбинаттарын құру бойынша да ұсыныстар әзірлеңіздер. Мұнан бөлек, барлық медициналық мекемелерге «Көпбалалы аналар кезексіз қабылданады» деген жарнамалар орнатуды, барлық ауруханаларда көпбалалы аналарға арнайы палата арнауды, сондай-ақ осы санаттағы аналарды заң аясында ауруханаларға порталсыз және кезексіз қабылдану мүмкіндігін қарастыруды және санаторийлерде ем қабылдау үшін заң аясында жолдама бөлуді қарастыруды, сонымен қатар, қымбат медициналық қызметтерді көпбалалы аналарға тегін көрсету бойынша мүмкіндіктерді қарастырып, нақты ұсыныс енгізуді тапсырамын”, – деді Ж.Түймебаев.

Тапсырмаларының ішінде аймақ басшысы мемлекеттік тұрғын үй қорынан үй алуға көпбалалы отбасылар тізімін анықтап, бірінші кезекте үй берілу бойынша ұсыныс енгізу жайын да ұмыт қалдырған жоқ. Сонымен бірге, аталған санаттағы аналардың қоғамдық көліктерде «жеңілдетілген бағамен жүру билеттерін» енгізуді немесе тегін тасымалдануын заңға сәйкес қарастырып, тиісті ұсыныс енгізуді де жауапты мекеме басшыларына жүктеді.

Түркістан облысы әкімінің баспасөз қызметі

Салық кодексінде, интернет арқылы тауарлармен электрондық сауда жасайтын салық төлеушілер үшін корпоративтік табыс салығы мен жеке табыс салығына жаңа жеңілдіктер қарастырылған.
Ол үшін мынадай шарттарды сақтаған кезде:
– тауарларды өткізу жөніндегі мәмілелерді ресімдеу электрондық нысанда жүзеге асырылса;
– тауарлар үшін ақы төлеу қолма-қол емес төлеммен жүргізілсе;
– тауарларды сатып алушыға (алушыға) жеткізетін өз қызметі болса, не жүктерді тасымалдау бойынша көрсетілетін қызметтерді, курьерлік немесе пошталық қызметті жүзеге асыратын тұлғалармен келісім-шарттары болған жағдайда;
Аталған жеңілдіктер тауарлармен электрондық сауданы жүзеге асырудан түсетін кірістер жылдық жиынтық кірістің кемінде 90% құраған жағдайда қолданылады. Осы шарттар сақталмаған кезде салық төлеуші аталған жеңілдіктерді қолдануға құқылы емес.
Жеңілдіктерді пайдалану үшін, тауарлармен электрондық сауда жасайтын тұлға, бірінші кезекте дара кәсіпкер немесе заңды тұлға ретінде тіркеу есебіне тұруы қажет және жекелеген қызмет түрлерін жүзеге асыратын салық төлеуші ретінде қызметтің басталғаны немесе тоқтатылғаны туралы хабарламаны мемлекеттік кірістер органдарына жолдауы тиіс.
Тауарлармен электрондық сауда кезінде тауарларды жөнелтуді, тасымалдауды, жеткізуді жүзеге асыратын тұлғалар салық органының сұрау салуы бойынша мәліметтерді уәкілетті орган бекіткен тәртіппен, мерзімдерде және нысан бойынша ұсынады.

Ордабасы ауданы бойынша

Мемлекеттік кірістер басқармасы

Салық кодексінің 412-бабына сәйкес, тауарларды, жұмыстарды, көрсетілетін қызметтерді өткізу бойынша айналым жасалған кезде мыналар шот-фактура жазып беруге міндетті:
1) Салық кодексінің 367-бабы 1-тармағының 1) тармақшасында көзделген қосылған құн салығын төлеушілер;
2) Қазақстан Республикасы ратификациялаған халықаралық шарттарды іске асыру мақсатында қабылданған Қазақстан Республикасының нормативтік құқықтық актілерінде көзделген жағдайларда салық төлеушілер;
3) Салық кодексінің 416-бабында белгіленген жағдайларда, қосылған құн салығын төлеуші болып табылмайтын комиссионер;
4) Салық кодексінің 415-бабында белгіленген жағдайларда, қосылған құн салығын төлеуші болып табылмайтын экспедитор;
5) бастап импортталған тауарларды өткізген жағдайда салық төлеушілер.
01.01.2019 ж. бастап салық төлеуші шот-фактураны қағаз жеткізгіште жазып беруге құқылы болатын мынадай жағдайларды:
1) салық төлеушінің тұрған жері бойынша Қазақстан Республикасының әкімшілік-аумақтық бірліктері шекарасында жалпыға ортақ пайдаланылатын телекоммуникациялар желісі болмаған жағдайды қоспағанда, шот-фактура электрондық нысанда жазып беріледі.
2) электрондық шот-фактуралардың ақпараттық жүйесінде уәкілетті орган растаған техникалық қателіктер туындаған жағдайды қоспағанда, шот-фактура электрондық нысанда жазып беріледі.
Техникалық қателіктер жойылғаннан кейін қағаз жеткізгіште жазып берілген шот-фактура техникалық қателіктер жойылған күннен бастап күнтізбелік он бес күн ішінде электрондық шот-фактуралардың ақпараттық жүйесінде тіркеуге жатады.
Электрондық нысандағы шот-фактура уәкілетті орган айқындаған тәртіппен және нысан бойынша электрондық шот-фактуралардың ақпараттық жүйесінде жазып беріледі.

Ордабасы ауданы бойынша

Мемлекеттік кірістер басқармасы

Тауарлардың заңсыз айналымына қарсы күрес әлемдегі өзекті проблемалардың бірі. Әлемдік тәжірибе көрсеткендей, контрафактілік өнім нарығымен күресуге мүмкіндік беретін пәрменді құралдардың бірі тауарларды цифрлық таңбалау болып табылады.
Тауарларды таңбалау және бақылау саласындағы халықаралық жобалар әлемнің көптеген елдерінде бұрыннан қолдау тапқан және он жылдан астам уақыт пайдаланылып келеді. Бұл салада Қытай, Бразилия, Түркия, АҚШ және Еуропалық Одақ көш бастап тұр.
Қазақстан Республикасында тауарлардың заңсыз айналымының болуы азаматтардың өмірі мен денсаулығына, сондай-ақ тұтас алғанда ұлттық экономиканың дамуына теріс әсер етеді. Қазақстан Республикасының Президенті Н.Ә.Назарбаевтың «Қазақстандықтардың әл-ауқатының өсуі: Табыс пен тұрмыс сапасын арттыру» атты жолдауында былай делінген: Ұлт саулығы – мемлекеттің басты басымдығы. Бұл – қазақстандықтар сапалы азық-түлікті пайдалануға тиіс деген сөз.
Алға қойылған міндетті іске асырудың тиімді тетігі – Қазақстандық цифрлық экономиканың маңызды құрамдас бөлігіне айналатын, тауарларды таңбалау және бақылау жүйесі.
Тауар айналымына қатысушылар үшін таңбалау жүйесіндегі жұмыс процесі өте қарапайым:
– Өндіруші жүйеде тіркеледі;
– Өз тауарларын бірыңғай каталогта тіркейді;
– Таңбалаудың цифрлық кодтарын шығаруға өтінімді қалыптастырады;
– Генерацияланған кодтарды алады және тауар қаптамасындағы цифрлық кодтарды басып шығарумен қатар өнімдерді шығарады.
Цифрлық код – бұл жоғалту немесе қолдан жасау мүмкін емес тауар паспорты. Ол тауардың барлық жолын – өндіруші зауыттан бастап соңғы тұтынушыға дейін бақылауға мүмкіндік береді.
– Тауарды айналымға шығару Таңбалау жүйесінде электрондық ілеспе құжаттарды қалыптастыру жолымен, сондай-ақ кәсіпорынның есеп жүйесімен интеграциялау арқылы жүзеге асырылады. Тауар айналымы кезінде цифрлық код тауарға барлық ілеспе құжаттарда көрсетіледі, осының арқасында кез келген сәтте өндіруші, тауарға рұқсат құжаттар, тауардың жарамдылық мерзімі туралы және т.б. ақпарат көруге болады.
– Таңбаланған тауардың айналымнан шығуы оны бөлшек саудада өткізу кезінде онлайн-кассада жасалады.
– Мобильді қосымша арқылы тұтынушылар тауар туралы шынайы ақпаратты оңай тексере алады және өзі мен жақындары үшін тек заңды өнімді сатып алу үшін тауар туралы бар шындықты біле алады.
– Экспорт жағдайында тауардың цифрлық коды туралы ақпарат басқа елге беріледі, онда сатып алушыға тауар және оның өндірушісі туралы барлық ақпарат қолжетімді болады.
Таңбалау және бақылау жүйесін енгізу мынаны қамтамасыз етеді:
Тұтынушы үшін:
– Сапалы әрі заңды тауарларды сатып алу мүмкіндігі есебінен азаматтардың өмірі мен денсаулығының деңгейін арттыру;
– Тауарларды қоғамдық бақылау функциясын жүзеге асыру.
Бизнес үшін:
– Just in time (дәл мерзімінде) жұмыс қағидатын енгізу есебінен шығындарды қысқарту;
– Нарықтағы заңсыз өнімді алмастыру есебінен пайданы арттыру;
– Адал өндірушінің брендін қорғау.
Мемлекет үшін:
– Көлеңкелі экономика үлесін төмендету;
– Бюджетке түсімдердің өсуі.
Тауарларды таңбалау жүйесі – қазақстандық цифрлық экономиканы дамыту жолындағы маңызды кезеңдердің бірі, ол қазақстандық өнім өндірушілерді қорғауды қамтамасыз етеді, сондай-ақ контрафактілік өнімнің тұтынушыға дейін жетуіне елеулі тосқауыл қояды.

Ордабасы ауданы бойынша

Мемлекеттік кірістер басқармасы

Салық кодексінің 136-бабымен тәуекелдерді басқару жүйесінің жалпы ережелері көзделген. Бұл ретте, тәуекелдерді басқару жүйесі тәуекелдерді бағалауға негізделген және салық органдары тәуекелді анықтау және алдын алу мақсатында әзірлейтін және (немесе) қолданатын шараларды қамтиды.
Салық төлеушінің (салық агентінің) мемлекетке нұқсан келтіруі мүмкін және (немесе) нұқсан келтіре алатын салықтық міндеттемені орындамау және (немесе) толық орындамау ықтималдығы тәуекел болып табылады.
Салық кодексінің 137-бабына сәйкес, салық органдары салық төлеушілер ұсынған салықтық есептіліктің деректерін, уәкілетті мемлекеттік органдардан, жергілікті атқарушы органдардан, уәкілетті тұлғалардан алынған мәліметтерді, сондай-ақ салық төлеушінің қызметі туралы басқа құжаттарды және (немесе) мәліметтерді талдауды жүзеге асыру негізінде 01.01.2019 ж. бастап салық төлеушілерді қызметін тәуекел дәрежесі төмен, орташа немесе жоғары санаттарға жатқызу арқылы оларды санаттарға бөлуді және салықтық әкімшілендіру шараларын саралап қолдануды жүзеге асырады.
Тәуекелдер дәрежесінің өлшемшарттары төмендегі ақпараттарды қоспағанда құпия ақпарат болы табылады:
1. салықтық жүктемені;
2. бір жұмыскердің орташа айлық жалақысын;
3. салықтық есептілікте көрсетілетін шығыстар мен кірістер сомасын;
4. қосылған құн салығы бойынша тіркеу есебінен шығарылған, оның ішінде таратылған, әрекетсіз, банкрот болған тұлғалармен өзара есеп айырысуы бар салық төлеушілермен мәмілелерді;
5. салықтық есептілікте бірнеше салықтық кезең бойындағы залалдарды көрсетуді;
6. бұрын ұсынылған салықтық есептілікке бірнеше рет өзгерістер мен толықтырулар енгізуді;
7. камералдық бақылау нәтижелері бойынша анықталған бұзушылықтарды;
8. арнаулы салық режимдерін қолдану құқығын беретін, Салық кодексте белгіленген көрсеткіштердің шекті мәніне бірнеше рет жақындауды;
9. салықтық мониторингте қатысу;
10. салық төлеушімен деректерді тіркеу және (немесе) беру функциясы бар бақылау-касса машиналарын қолдану;
11. шот-фактураны электронды түрде жазу;
12. салық төлеушімен тексерудің стандартты файлын қолдану;
13. ҚҚС бойынша бақылау шотын қолдану.
Құпия ақпарат болып табылмайтын тәуекелдерді басқару жүйесінің өлшемшарттарын қолдану тәртібі ҚР ҚМ 20.02.2018 ж. №252 бұйрығымен белгіленген.
Салық төлеуші тәуекелдер басқару жүйесі бойынша қай тәуекел дәрежесіне жатқызылғаны туралы ақпарат жылына екі рет анықталып, салық төлеушіге «Салық төлеуші кабинеті» web-қосымшасы арқылы 01.01.2019 ж. бастап жолданады, ал, 01.07.2019 ж. бастап ҚР ҚМ МКК ресми сайтында жарияланады. Тәуекел дәрежесі туралы ақпаратпен бірге «Салық төлеуші кабинеті» web-қосымшасына Тәуекелдер басқару жүйесінде қолданылатын, құпия ақпарат болып табылмайтын көрсеткіштер есебі түседі.
Қажет жағдайда, салық төлеуші «Салық төлеуші кабинеті» web-қосымшасы арқылы мемлекеттік кірістер органдарына түсініктеме бере алады, мұндай түсініктемелер дәлелділік болған жағдайда Тәуекелдер басқару жүйесін қолдану барысында есепке алынып, салық төлеушіге өзгертілген ақпарат жолданады.

Ордабасы ауданы бойынша

Мемлекеттік кірістер басқармасы

Қазақстан Республикасының «Қазақстан Республикасының кейбір заңнамалық актілеріне Қазақстан Республикасының әкімшілік-аумақтық құрылысы және көлеңкелі экономикаға қарсы іс-қимыл мәселелері бойынша өзгерістер мен толықтырулар енгізу туралы» 2018 жылғы 28 желтоқсандағы № 210-VІ Заңымен 2019 жылда жүргізілетін салықтық рақымшылықтың ережесі белгіленді.
Осылайша, “Салық және бюджетке төленетін басқа да міндетті төлемдер туралы” Қазақстан Республикасының Кодексін (Салық кодексі) қолданысқа енгізу туралы” 2017 жылғы 25 желтоқсандағы Қазақстан Республикасының Заңы төмендегіні көздейтін 57-1-баппен толықтырыды:
Салық төлеуші 2018 жылғы 1 қазандағы жағдай бойынша жеке шотындағы бересі сомасын 2018 жылғы 1 қазан – 2019 жылғы 31 желтоқсан аралығындағы кезеңде төлеген жағдайда салықтық берешек деп танылмайды және бюджетке енгізуге жатпайды, сондай-ақ уәкілетті орган белгілеген тәртіппен мыналар есептен шығаруға жатқызу белгіленген:
1) 2018 жылғы 1 қазандағы жағдай бойынша салық төлеушінің жеке шотындағы, сондай-ақ 2018 жылғы 1 қазаннан бастап, төлеу күнін қоса алғанда, төленген күніне дейінгі кезеңде көрсетілген бересі сомасына есепке жазылған өсімпұл сомасы. Бұл ретте өсімпұл бересі төленген салық және бюджетке төленетін басқа да міндетті төлем түрі бойынша есептен шығарылады;
2) Қазақстан Республикасының Әкімшілік құқық бұзушылық туралы кодексіне сәйкес салық салу саласындағы құқық бұзушылық үшін салынған, 2018 жылғы 1 қазандағы жағдай бойынша салық төлеушінің бересі төленген салық және бюджетке төленетін басқа да міндетті төлем түрі бойынша жеке шотындағы айыппұл сомасы.
Өсімпұлдар мен айыппұлдардың осы бапта көзделген есептен шығарылуы салық төлеушінің төлеу мерзімі 2018 жылғы 1 қазандағы жағдай бойынша Қазақстан Республикасының салық заңнамасы мен Қазақстан Республикасының оңалту және банкроттық туралы заңнамасына сәйкес өзгерген салықты немесе бюджетке төленетін басқа да міндетті төлемді төлеу жөніндегі салықтық міндеттемесін толық көлемде мерзімінен бұрын орындау жағдайларына қолданылады.
Осы баптың ережелері:
1) ірі салық төлеушілердің мониторингіне жататын;
2) 2018 жылғы 1 қазандағы жағдай бойынша мынадай қызмет түрлерінің біреуін немесе бірнешеуін:
жерасты суларын, емдік балшықтарды өндіру құқығына ие болғандықтан ғана жер қойнауын пайдаланушылар болып табылатын осындай пайдаланушыларды қоспағанда, жер қойнауын пайдалануды;
акцизделетін өнім өндіруді жүзеге асыратын салық төлеушілерге;
3) кәсіпкерлік қызметті, жекеше нотариус, жеке сот орындаушысы, адвокат, кәсіпқой медиатор қызметін жүзеге асыруға байланысты түзілген салықтық берешекті қоспағанда, жеке тұлғаларға қолданылмайды.
Яғни, аталған Заң 2019 жылдың 1 қаңтарынан бастап енгізіліп, шағын және орта бизнес субъектілері үшін 2019 жылдың 31 желтоқсанына дейін бересі сомасын төлеген жағдайда 2018 жылғы 1 қазандағы жағдай бойынша өсімпұл және айыппұл сомаларын есептен шығаруды көздейді. Және де, 2018 жылдың 1 қазанынан бастап бересі сомасын төлеген мерзімге дейін септелінген өсімпұл сомалары да есептен шығарылады.
Салық төлеушілер негізгі қарызы, өсімпұл мөлшерінің сомасын анықтау үшін «Салық төлеушінің кабинеті» веб-қосымшасында бет есебінен үзінді алуына болады. Сондай-ақ, Комитеттің www.kgd.gov.kz интернет-ресурсы және «Электрондық үкімет» порталы «Салықтық берешектің жоқтығы (бар болуы) туралы ақпарат» электронды сервисі арқылы онлайн режимінде ЖСН/БСН бойынша салықтық берешектің болуы / болмауы туралы ағымдағы ақпаратты алуға болады.
Оңалту рәсіміндегі және салықтар бойынша төлеу мерзімін ұзартқан салық төлеушілерге қатысты рахымшылық қолданудың тәртібі басқаша. Салықтық рахымшылыққа ілігу үшін осындай салық төлеушілер мемлекеттік кірістер органдарына тиісті өтінішті жолдап, салықтар бойынша негізгі қарызын ертерек төлеуі қажет. Одан басқа, оңалту рәсіміндегі салық төлеушілер оңалту жоспарына өзгеріс енгізіп, оны кредиторлар жиналысында келісіп, сотпен бекітуі қажет.

Ордабасы ауданы бойынша

Мемлекеттік кірістер басқармасы

2018 жылдың 23 желтоқсанында ҚР Қаржы министрлігінің 27.11.2018 ж. №1029 бұйрығы күшіне еніп, 2019 жыл аралығында ақшалай есеп айырысулар кезінде деректерді тіркеу және (немесе) беру функциясы бар бақылау-касса машиналарын (онлайн БКМ) қолдану міндеті туындайтын қызмет түрлері ұлғайтылды.
Атап айтқанда, 2019 жылдың әр тоқсаны сайын онлайн БКМ қолдануға 633 қызмет түрлері қосылады:
– 2019 жылдың 1 сәуірінен бастап 323 қызмет түрлері бойынша;
– 2019 жылдың 1 шілдесінен бастап 86 қызмет түрлері бойынша;
– 2019 жылдың 1 қазанына бастап 224 қызмет түрлері бойынша.
Осылайша, 2019 жылы онлайн БКМ қолдануға барлық қызмет түрлері толығымен қосылады.
Онлайн БКМ қолдану бойынша ережелерi қызметі ортақ пайдаланылатын телекоммуникациялар желiсi жоқ жерлерде орналасқан салық төлеушілерге қолданылмайды.
БКМ қолдану тәртібі Салық кодексінің 166 бабымен реттеліп, Қазақстан Республикасының аумағында ақшалай есеп айырысулар бақылау-касса машиналары мiндеттi түрде қолданыла отырып жүргiзiліп, келесі тұлғалардың ақшалай есеп айырысуларына қолданылмайды:
1) жеке тұлғалардың;
2) адвокаттар мен медиаторлардың;
3) қызметін:
– 2020 жылдың 1-қаңтарына дейін патент негізінде арнаулы салық режимiн қолдана отырып;
– 2019 жылдың 1-қаңтарына дейін ашық сауда базарларының аумағындағы стационарлық емес сауда объектілері арқылы шағын бизнес субъектiлерi үшiн арнаулы салық режимi шеңберiнде;
– 2020 жылдың 1-қаңтарына дейін арнаулы салық режимі қолданылатын қызмет бойынша бірыңғай жер салығын төлеу негізінде осы арнаулы салық режимі шеңберінде жүзеге асыратын дара кәсіпкерлердің (акцизделетін тауарларды өткізушілерден басқа);
4) уәкілетті органмен келісу бойынша көлік саласындағы мемлекеттік саясатты іске асыруды жүзеге асыратын уәкілетті мемлекеттік орган бекіткен нысан бойынша билеттерді бере отырып, қалалық қоғамдық көлікте тасымалдау бойынша халыққа қызметтер көрсету бөлігіндегі;
5) Қазақстан Республикасы Ұлттық Банкінің;
6) екінші деңгейдегі банктердің.
Аумағында ортақ пайдаланылатын телекоммуникациялар желісі жоқ Қазақстан Республикасының әкімшілік-аумақтық бірліктері туралы ақпарат ҚР ҚМ Мемлекеттік кірістер комитетінің http://kgd.gov.kz/ru/content/primenenie-kontrol… интернет-ресурсында орналастырылған.

Ордабасы ауданы бойынша

Мемлекеттік кірістер басқармасы

Ордабасы ауданы бойынша Мемлекеттік кірістер басқармасы, «Қазақстан Республикасының кейбір заңнамалық актілеріне әлеуметтік қамсыздандыру мәселелері бойынша өзгерістер мен толықтырулар енгізу туралы» Қазақстан Республикасының 2018 жылғы 2 шілдедегі № 165-VІ Заңымен Салық кодексіне айлық есептік көрсеткіштің 25 еселенген мөлшерінен аспайтын кірісін айқындау кезінде, осы көзделген түзету ескерілмей айқындалған осындай кіріс сомасының 90 пайызы мөлшерінде жұмыскердің салық салынатын кірісін түзету 2019 жылғы 1 қаңтардан бастап қолданысқа енгізілгенін хабарлайды (Салық кодексінің 341-бабының 1-тармағы 49)-тармақшамен толықтырылды).
Осылайша, 2019 жылдан бастап, егер жұмыскердің кірісі 25 АЕК аспаса (2019 ж. – 63 125 теңге), жұмыскердің салық салынатын кірісі сомасынан 90 % мөлшерінде түзету қолданылатын болады, тиісінше егер жұмыскердің есептелген кірісі 25АЕК асқан жағдайда, жұмыскердің салық салынатын кірісі сомасынан 90% мөлшерінде түзету қолданылмайды.
Жеке тұлға еңбек қызметін бірнене жұмыс берушіде жүзеге асырған жағдайда және әрбір жағдайда жұмыскердің есептелген кірісі 25АЕК аспаса, онда жұмыскердің салық салынатын кірісі сомасынан 90 % мөлшерінде түзетуді әрбір жұмыс беруші қолданатын болады.

Ордабасы ауданы бойынша

Мемлекеттік кірістер басқармасы

Елбасы Н.Назарбаев  23 қаңтарда 2019 жылды «Жастар жылы» деп жариялап, жастарға қолдау білдіруді және отбасы институтын күшейтуді тапсырған болатын. Президент жастарды Түркістан қаласының құрылысына тартуды арнайы атады. Бүгінгі таңда «Түркістан жастарының құрылыс жасағы» ұйымын құрылып, 3000-нан астам азаматтың тізімін жасақталды. Ақпанның ішінде мердігер құрылыс компанияларымен меморандумға отырып, наурыздан бастап жастарды құрылыс жұмыстарына жіберіледі. Тұрақты жалақы көлемі 70 мың мен 100 мың теңге арасында болмақ. Оған қоса, «Жасыл ел» бағдарламасы арқылы 1300-дей жас жұмыспен қамтылады. Бұл туралы өңір басшысы Жансейіт Түймебаев халық алдындағы кезекті жылдық есеп беру жиынында мәлімдеді.

«Облыста жастардың саны 500 мыңнан астам адам немесе жалпы халық санының 25 пайызы. Түркістан облысында биыл «Жастарды тұрғын үймен қамту» жобасы аясында 260 жасты баспанамен қамту көзделуде. Өңірде жастармен тікелей жұмыс жүргізетін «Жастар ресурстық орталықтарының» жүйесі қалыптасқан. Орталықта «Бір терезе» қағидасы бойынша 8 бағытта «Жастарға қызмет көрсету секторы» жұмыс атқаруда. Жастарға психологиялық кеңес беру мақсатында 13-03 санды Саll-орталығы жұмыс атқарады. «Жас кәсіпкер» жобасы аясында, 2 млн. теңге көлемінде кепілсіз «ОҢТҮСТІК» аймақтық инвестициялық орталығы арқылы 8 жоба қаржыландырылды. Биылғы жылдан бастап жас кәсіпкер кепілсіз 2 млн. теңгеге дейінгі жеңілдетілген несиені жылдық 4 пайызбен алатын болады. Ал, ауылшаруашылығын қолдау қоры арқылы ауыл аймақтағы 200-ден астам жас кәсіпкерге төмен пайызбен (6 %) 1,5 млрд. теңге несие беруді көзделуде», – деді Жансейіт Қансейітұлы.

Сондай-ақ, 1200 жұмыссыз азамат кәсіпкерлік негіздері курстарынан өткізіп, олардың кемінде 80 пайызына төмендетілген пайызбен несие берілетін болады

«Серпін – 2050» жобасы бойынша облысымыздан өткен жылы 1589 жас, сондай-ақ, биыл қосымша 137 жас грантқа ие болды. Бұдан өзге, «Жастар практикасы» бағдарламасы аясында 5500-ге жуық жасқа қолдау білдіру үшін 2 млрд. теңге бөлінеді.

Түркістан облысы әкімінің баспасөз қызметі