АУДАН ЖАҢАЛЫҚТАРЫ

Ғаламторда жеке деректеріңіздің қауіпсіздігін қаматамасыз еті үшін

  1. Ақпараттық қауіпсіздік комитеті жеке деректердің сақталуын арттыру үшін оларды интернетке жалпы қол жетімді Wi-Fi нүктелері арқылы беруден сақтануыңызды ұсынады.
  2. Ақпараттық қауіпсіздік комитеті Интернетте қаржы операцияларын жүзеге асыру барысында интернетке қосылу үшін көпшілік Wi-Fi нүктелерін пайдаланудан бас тартып, Өзіңіздің байланыс операторыңыз арқылы қосылуды ұсынады.
  3. Ақпараттық қауіпсіздік комитеті Интернетке қосылған құрылғыларды қорғау үшін вирусқа қарсы бағдарламаны, веб-браузерді және операциялық жүйені уақтылы жаңартуды ұсынады.
  4. Ақпараттық қауіпсіздік комитеті сіздің балаларыңыздың интернеттегі жеке ақпаратын қорғауды, сондай-ақ Интернетке қосылған құрылғыларда Ата-ана бақылау қызметін пайдалануды ұсынады.

Ордабасы аудан әкімі аппараты

14.02.2019

Азаматтарға арналған үкімет былтыр 6 миллионнан аса электронды цифрлық қолтаңба берді

2018 жылы «Азаматтарға арналған үкімет» мемлекеттік корпорациясы 6 млн аса электрондық цифрлық қолтаңба рәсімдеді. Бұл 2017 жылғы көрсеткішпен салыстырғанда 1,4 млн артық.

Берілген ЭЦҚ санының артуы электронды үкімет порталын пайдаланушы азаматтардың көбейгенін білдіреді.

Бұл ретте ХҚО-дағы өзіне-өзі қызмет көрсету секторы – Connection Point арқылы азаматтардың өз бетінше алған электронды қызметтер саны 2018 жылы 12% өсіп, 12 млн құрады.

Мемлекеттік корпорацияның 2018 жылғы қорытынды есебіне сәйкес, 32 млн мемлекеттік қызмет көрсетілді, бұл 2017 жылмен салыстырғанда 17% аз көрсеткіш.

Бұл дегеніміз мемлекеттік қызметтерді халыққа қызмет көрсету орталықтарынан емес, онлайн форматта өз бетінше алатын азаматтардың саны артқан.

Айта кетейік, 2018 жылы Алматы мен Астана қалалары, Түркістан облысының тұрғындары ең көп ЭЦҚ рәсімдеген. Мәселен, алматылықтар 803 мың, Түркістан облысындағылар 738 мың және астаналықтар 523 мыңнан аса электрондық цифрлық қолтаңба алған.

 

2018 жылы рәсімделген электронды цифрлық қолтаңба саны

(аймақтық бөліністе)

 

АймақБерілген ЭЦҚ саны
1Алматы қ.803 090
2Түркістан обл.738 320
3Астана қ. 680 329
4Алматы обл.523 221
5ШҚО357 995
6Қарағанды обл.340 953
7Ақтөбе обл.336 590
8Қызылорда обл.328 927
9Жамбыл обл.311 818
10Ақмола обл.306 026
11Қостанай обл.260 210
12Павлодар обл.208 076
13Атырау обл.203 599
14БҚО189 518
15СҚО177 732
16Маңғыстау обл.175 137
17Шымкент қ.73 319

 

12.02.2019

Шетелге шығуға тыйым салуды және әкімшілік айыппұлдың болуын телефонда Telegram-bot арқылы тексеруге болады

Telegram – @EgovKzBot мессенджерінде 4 қызмет пен сервистің іске қосылғанын хабарлайды.

Енді боттың көмегімен азаматтар:

  • бірыңғай жинақтаушы зейнетақы қоры салымшысы қаражатының келіп түсуі мен қозғалысы туралыақпаратты;
  • бірыңғай жинақтаушы зейнетақы қоры салымшысының (алушының) зейнетақы жинақтарының (инвестициялық кірісті ескере отырып) жай-күйі туралы ақпаратты;
  • шетелге шығу шектелген борышкерлер тізілімі және атқарушылық іс жүргізу бойынша борышкерлер тізілімі бойынша шетелге шығуға тыйым салудың болуын тексере;
  • тұлғаның әкімшілік құқық бұзушылық жасағаны туралы мәлімет ала алады.

Онлайн режимінде ақпарат алу механизмі өте қарапайым және азаматтардың уақытын айтарлықтай үнемдейді.

Азаматтарға өз гаджетінде Telegram мессенджерінде қызметтер мен сервистерді пайдалану үшін «Мобильді азаматтар базасында» тіркелу қажет, яғни порталдың жеке кабинетінде өз телефон нөмірін байлау қажет eGov.kz ескерту. Бұдан әрі бот-та іске қосуды жүзеге асыру (іздеу жолына @EgovKzBot деп енгізу). Алдын ала анықталған командаларды жіберу арқылы қажетті қызметтер мен сервисті таңдау, қажетті деректерді енгізу және мобильді нөмірге жіберілген бір реттік паролді енгізу арқылы қызметтер мен сервисті алуды растау.

Бүгінгі күні Telegram-бот арқылы қолжетімді қызметтер мен сервистер саны
24 автоматтандырылған мемлекеттік қызметке жетті.

Естеріңізге сала кетейік, бұған дейін жоғарыда көрсетілген қызметтер мен сервистерді алу мүмкіндігі электрондық үкімет порталында ұсынылған болатын eGov.kz ескерту.

 

«Азаматтарға арналған үкімет» мемлекеттік корпорациясы» КЕАҚ

Шымкент қаласы бойынша филиалының

12.02.2019

Ақпараттық хабарлама

Ордабасы ауданы бойынша қазіргі таңда асыраушысы жоқ санатында жәрдемақы алушылар саны – 1158 отбасы. “Алтын”, “Күміс” алқа иегерлері – 3822. Көпбалалы отбасы ретінде жәрдемақы алушылар саны 4643 отбасы. Оның ішінде 2018 жылы атаулы әлеуметтік көмек алған отбасылар: шартсыз ақшалай көмек​ – 91 отбасы, шартты ақшалай көмек​ – 1003 отбасы, жалпы атаулы әлеуметтік көмек алғандар 1094 отбасы. Қосымша әлеуметтік жағдайы төмен көпбалалы отбасылардың тізімін және тұрмыс деңгейін анықтау үшін ауыл округі әкімдіктері тарапынан тиісті жұмыстар жүргізілуде.​

08.02.2019

Зейнетақы жинақтарының жай-күйін egov порталында sms-хабарламаның көмегімен білуге болады

«БЖЗҚ» АҚ 2019 жылдың 25 қаңтарынан бастап Қазақстан Республикасы Ұлттық Банкінің 2018 жылғы 11 қарашадағы №288 Қаулысының күшіне енетіндігін хабарлайды. Соған сәйкес «Бірыңғай жинақтаушы зейнетақы қоры салымшысының (алушысының) зейнетақы жинақтарының (инвестициялық табысты ескере отырып) жай-күйі туралы ақпарат беру» мемлекеттік қызметі электрондық үкімет порталында енді электрондық цифрлық қолтаңбаның көмегінсіз де қолжетімді болады.

Бүгінде зейнетақы жинақтарының жай-күйін мынадай тәсілдермен білуге болатындығын еске саламыз. Олар:

1) БЖЗҚ кеңсесіне тікелей келіп өтініш жасау;

2) дәстүрлі пошта байланысы;

3) электрондық тәсіл, оның ішінде:

* БЖЗҚ-ға ұсынылған жеке электрондық мекенжай;

* логин және пароль (құпия сөз) немесе электрондық цифрлық қолтаңбаны қолдана отырып, БЖЗҚ порталындағы жеке кабинет;

* электрондық үкімет порталындағы жеке кабинет арқылы.

Айта кетелік, соңғы хабарлау тәсілін қолдану үшін тек электрондық цифрлық қолтаңба қажет болатын. Енді 2019 жылдың 25 қаңтарынан бастап кез келген салымшы (алушы) бір реттік sms-парольді қолдана отырып, жеке зейнетақы шотынан үзінді көшірме ала алады. Бұл үшін салымшы (алушы) электрондық үкімет порталының жеке кабинетінде тіркеліп, үзінді көшірме алуға сауал жолдайды. Содан кейін mGov мобильдік азаматтар базасында тіркелген салымшының (алушының) ұялы телефонына бір реттік sms-пароль жіберіледі.

Атап өту керек, жеке зейнетақы шотынан үзінді көшірмені электрондық тәсілмен алған өте ыңғайлы. Бұл зейнетақы жинақтары туралы маңызды ақпараттарды 24/7 режимінде алуға мүмкіндік береді.

БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

«БЖЗҚ» АҚ баспасөз орталығы

БАҚ үшін байланыстар: press@enpf.kz

06.02.2019

БЖЗҚ-да зейнетақы шотын ашу рәсімі оңайлатылды

2019 жылдың 8 қаңтарынан бастап БЖЗҚ-да міндетті зейнетақы жарналарын (МЗЖ) есепке алу бойынша жеке зейнетақы шотын (ЖЗШ) ашу үшін жеке тұлғаға ЖЗШ ашу жөніндегі өтінішті рәсімдеу үшін БЖЗҚ-ға, оның ішінде Қордың веб-сайты арқылы жүгінудің қажеті жоқ. Енді жеке тұлғаның БЖЗҚ-да МЗЖ есепке алу бойынша ашылған зейнетақы шоты жоқ болса, алғашқы жарна келіп түскен кезде зейнетақы шоты Қордың ақпараттық жүйесінде автоматты түрде ашылады. Бұл туралы Қазақстан Республикасының зейнетақы заңнамасына (ҚР 26.12.2018ж. №203-VI Заңы) тиісті өзгерістер енгізілді.

Бұл ретте жеке тұлға МЗЖ аудару кезінде төлем тапсырмасының электрондық форматында көрсетілген дербес деректер (тегі, аты, әкесінің аты, жеке сәйкестендіру нөмірі, туған күні) бойынша сәйкестендіріледі. Ал жеке тұлғаның жеке басын куәландыратын құжаттың деректемелері бойынша қажетті мәліметтерді Қор мемлекеттік органдардың ақпараттық жүйелерінен алатын болады.

Еске саламыз, бұған дейін жеке тұлға МЗЖ есепке алу бойынша ЖЗШ ашу үшін шот ашу жөнінде тиісті өтінішті рәсімдеуге міндетті болатын.

Ескере кететін жәйт, міндетті кәсіптік зейнетақы жарналары мен ерікті зейнетақы жарналарын есепке алу бойынша ЖЗШ ашу тәртібі бұрынғыша өзгеріссіз қалады.

Айта кетелік, электрондық цифрлық қолтаңба (ЭЦҚ) бар болған жағдайда, ерікті зейнетақы жарналарын (өз пайдасына) есепке алу бойынша жеке зейнетақы шотын БЖЗҚ сайтында онлайн тәртібінде ашуға болады. Бұл салымшылар мен алушылар үшін өте ыңғайлы.

БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. 2016 жылғы 1 қаңтардан бастап зейнетақы активтерін басқару тиімділігін арттыру бойынша ұсыныстар жасау қызметі Ұлттық қорды басқару кеңесіне берілді. Зейнетақы заңнамасына сәйкес БЖЗҚ міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, зейнетақы төлемдерін, зейнетақы жинақтары мен төлемдерін жеке есепке алуды жүзеге асырады, салымшыға (алушыға) зейнетақы жинақтарының жай-күйі туралы ақпарат береді (толығырақ www.enpf.kz сайтында).

«БЖЗҚ» АҚ баспасөз орталығы

БАҚ үшін байланыстар: press@enpf.kz

06.02.2019

«БЖЗҚ туралы маңызды сұрақтар» айдары

Біз «БЖЗҚ туралы маңызды сұрақтар» айдарында тұрақты оқырмандарымыздың сұрақтарына жауап беруді жалғастырамыз.

Азаматтарды ҚР Заңдарына 2019 жылдың 1 қаңтарынан бастап енгізілген өзгерістер қызықтырады. Олардың кейбірі зейнетақы аударымдарына қатысты. Міне бүгін солар туралы әңгімелейтін боламыз.

Фрилансерлер деген кімдер?

Жауап: Фрилансерлер – азаматтық-құқықтық сипаттағы шарттар бойынша жұмыстар атқаратын және (немесе) қызметтер көрсететін жеке тұлғалар. Олар жұмыс орны мен жұмыс істеу уақытын көп жағдайда өздері белгілейді және тапсырыс берушімен көп жағдайда қашықтықтан байланыс жасайды. Интернет желісі дамығаннан бері фриланстық жұмыстар әсіресе журналистика, заң, компьютерлік бағдарлама, дизайн, аударма салаларында кеңінен дамыған.

1. Белгілі бір мекемеде еңбек келісім-шарты бойынша жұмыс істейтін, бірақ салық агенті болып табылмайтын жеке тұлғамен жасалған азаматтық-құқықтық шарттар бойынша қосымша табыс алатын жұмысшылар міндетті зейнетақы жарналарын қалай төлейді?

Жауап: «Қазақстан Республикасында зейнетақымен қамсыздандыру туралы» Қазақстан Республикасы Заңына (бұдан әрі – Заң) сәйкес агенттер Бірыңғай жинақтаушы зейнетақы қорына (бұдан әрі – БЖЗҚ, Қор) мiндеттi зейнетақы жарналарын (МЗЖ) ай сайынғы табыстың 10 пайызы мөлшерінде төлейді. Бұл ретте МЗЖ есептеу үшiн алынатын ай сайынғы табыс тиісті қаржы жылына арналған республикалық бюджет туралы заңда белгiленген ең төменгі жалақының 50 еселенген мөлшерінен аспауы тиiс.

Заңның 24-бабы, 2 тармағының 5) тармақшасына сәйкес салық агенттері болып табылмайтын жеке тұлғалармен жасалған, нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша кірістер алатын, еңбек шарты бойынша жұмыс істейтін жеке тұлғалар азаматтық-құқықтық сипаттағы шарттар бойынша алған табыстан Қорға МЗЖ төлеуден босатылады.

Бұдан басқа, Заңның 39-бабы, 2 тармағының 1-1) тармақшасында көзделгеніндей, салық агенттері болып табылмайтын жеке тұлғалармен жасалған, нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша кірістер алатын Қазақстан Республикасының азаматтары өздерінің ұйғаруымен Қордағы жеке зейнетақы шотына МЗЖ аудару құқығына ие. Бұл үшін олар жарналарды екінші деңгейдегі банктер немесе Қазпошта арқылы «Азаматтарға арналған үкімет» Мемлекеттік корпорациясына «010» төлем мақсатының кодын пайдалана отырып, төлей алады. Әрі қарай Мемлекеттік корпорация жарналарды Қорға аударады. Бұл ретте МЗЖ мөлшері алған табыстың 10

пайызын құрайды, бірақ республикалық бюджет туралы заңда тиісті қаржы жылына бекітілген ең төменгі жалақының 10 пайызынан кем болмауы тиіс.

Міндетті зейнетақы жарналарын осылайша Қорға өз еркімен аудару жеке зейнетақы капиталын қалыптастыруға оң әсер етеді.

Атап өту керек, егер азаматтық-құқықтық сипаттағы шарттардың бір тарабы салық агенті, яғни заңды тұлғалар, жеке кәсіпкерлер, сондай-ақ жеке практикамен айналысатын жеке нотариустар, жеке сот орындаушылары, адвокаттар, кәсіби медиаторлар болса, олар жеке тұлғаларға, оның ішінде фрилансерлерге азаматтық-құқықтық шарттар бойынша төлеген табыстан МЗЖ төлейтін агентке айналады. Бұл ретте МЗЖ алған табыстың 10 пайызы мөлшерінде, бірақ республикалық бюджет туралы заңмен тиісті қаржы жылына белгіленген ең төменгі жалақының 10 пайызынан кем емес және 50 еселенген мөлшерінің 10 пайызынан жоғары емес мөлшерде белгіленеді.

2. Қазіргі кезде елімізде еңбек келісім-шарты бойынша қос қызметті қатар атқаратын азаматтар зейнетақы жарнасын қалай төлейді? Яғни, еңбек келісім-шартын жасасқан екі мекеме де зейнетақы жарнасын аударып отырады ма?

Жауап: «Қазақстан Республикасында зейнетақымен қамсыздандыру туралы» Қазақстан Республикасы Заңының 24-бабына сәйкес Бірыңғай жинақтаушы зейнетақы қорына мiндеттi зейнетақы жарналарын осы заңда айқындалатын мөлшерлемелер бойынша салық агенті болып табылатын жұмыс берушілер аударады. Сәйкесінше жұмыскермен еңбек шартын жасасқан екі мекеме де БЖЗҚ-ға жұмыскердің пайдасына МЗЖ аударуға міндетті.

3. Үйінде отырып-ақ табыс табатын, ЖШС немесе жеке кәсіпкер ретінде тіркелмеген тәуелсіз жұмысшылар салықты қалай төлейді? Жалпы оларды қалай анықтайсыздар?

Жауап: Салық мәселесі бойынша ҚР Қаржы министрлігінің Мемлекеттік кірістер комитетіне жүгінуіңізді сұраймыз.

4. Фрилансерлер міндетті әлеуметтік медициналық сақтандыру аударымдарын жасауға міндеттелген бе?

Жауап: Бұл сұрақ бойынша Міндетті әлеуметтік сақтандыру қорына жүгінуіңізді сұраймыз. Бұл ретте біздің айтарымыз, жеке тұлғалардың барлығы бірдей бірыңғай жиынтық төлем (БЖТ) тәртібін қолдана алмайды.

Атап өту керек, БЖТ 2019 жылдың 1 қаңтарынан бастап күшіне енді және ол бірнеше төлемнен құралады. Олар: жеке табыс салығы, мемлекеттік әлеуметтік сақтандыру қорына төленетін әлеуметтік аударым, Бірыңғай жинақтаушы зейнетақы қорына төленетін МЗЖ және Міндетті әлеуметтік медициналық сақтандыру қорына төленетін әлеуметтік аударым.

Кәсіпкерлік қызметті жеке кәсіпкер ретінде тіркелместен жүзеге асыратын, сондай-ақ бір мезгілде мынадай шарттарға сай келетін: БЖТ төлеген; жалдамалы жұмыскерлердің еңбегін пайдаланбайтын; қызметтерді салық агенттері болып табылмайтын жеке тұлғаларға ғана көрсететін және

акцизделетін өнімдерді қоспағанда, өзінің жеке қосалқы шаруашылығында өсірген ауыл шаруашылығы өнiмдерін салық агенттері болып табылмайтын жеке тұлғаларға ғана өткізетін жеке тұлғалар БЖТ төлеушілер деп танылады.

Ал нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша кірістер алатын жеке тұлғалар, олардың ішінде фрилансерлер БЖТ төлеушілер болып табылмайды.

5. Жаңа заң қашаннан бастап күшіне енеді?

Жауап: «Қазақстан Республикасының кейбір заңнамалық актілеріне халықтың жұмыспен қамтылуы мәселелері бойынша өзгерістер мен толықтырулар енгізу туралы» Қазақстан Республикасының 2018 жылғы 26 желтоқсандағы № 203-VI Заңы негізінде «Қазақстан Республикасында зейнетақымен қамсыздандыру туралы» ҚР Заңына тиісті өзгерістер енгізілді.

Заңға енгізілген бұл өзгерістер БЖТ енгізуге (ол 2019 жылдың 1 қаңтарынан бастап қолданысқа енгізілді), азаматтық-құқықтық сипаттағы шарттар бойынша жұмыстар атқарып, қызметтер көрсететін жеке тұлғалар үшін МЗЖ төлеу рәсімін оңайлатуға және МЗЖ есепке алу үшін БЖЗҚ-да жеке зейнетақы шотының өтініш берушілік сипатта ашылуын жоюға бағытталған (ол 2019 жылдың 8 қаңтарынан бастап қолданысқа енгізілді).

Енді жеке тұлғаның МЗЖ есепке алу бойынша БЖЗҚ-да ашылған зейнетақы шоты жоқ болса, алғашқы жарна келіп түскен кезде зейнетақы шоты Қордың ақпараттық жүйесінде автоматты түрде ашылады.

06.02.2019

Электрондық үкімет негіздері мектепте үйретіледі

«Азаматтарға арналған үкімет» мемлекеттік корпорациясының бастамасымен информатика пәні бағдарламасына «электрондық үкімет порталы» бөлімдері енгізіледі. Мемлекеттік корпорацияның бұл ұсынысын ҚР Білім және ғылым министрлігі қолдап, тиісті бұйрыққа Ерлан Сағадиев қол қойды. Осылайша, 11-сынып оқушыларының оқу бағдарламасына қажетті өзгерістер ендіріледі.

«Цифрлық Қазақстан» бағдарламасына сәйкес, орта, техникалық және жоғары кәсіби білім беру ұйымдарында цифрлық сауаттылықты арттыру қажет. Балалар мектеп жасынан-ақ цифрлық технологиялардың тілін түсініп, түрлі электрондық жүйені қолдануды үйренуі тиіс. Осы орайда, 11-сынып оқушылары ақпараттық технологиялар мен ондағы қауіпсіздік сабақтары аясындаэлектронды үкімет порталының жұмыс істеу алгоритімін біліп,  электрондық құжаттар, цифрлық қолтаңба сияқты терминдермен танысып, мемлекеттік қызметтерді электрондық форматта алу үрдісін үйрене алады.

«Орта есеппен жыл сайын мектепті 140 мың оқушы тәмамдайды десек, мемлекеттік қызметтерді ХҚО-ға бармай-ақ алуды білетін «цифрлық» ұрпақ саны жыл өте көбейіп отырады. Оның үстіне, ол балалар ата-аналарына, ата-әжелеріне электронды үкімет порталын қолдануға көмектесе алады. Бұл халық арасында цифрлық сауаттылық көрсеткішінің артуына, сөзсіз, әсер етеді»,– дейді «Азаматтарға арналған үкімет» мемлекеттік корпорациясының басқарма төрағасы Аблайхан Оспанов.

Айта кетейік, бүгінде еліміздің 16 өңірінде ашылған Цифрлық ХҚО арқылы тегін «Цифрлық сауат ашу» курстарына қатысып, электрондық үкімет порталымен жұмыс істеу дағдыларын үйренуге болады. Осы күнге дейін 5 мыңнан астам адам аталмыш курстардан өтіп, тиісті сертификаттар алған. Оған қоса, 2018 жылы мемлекеттік корпорацияның ұйымдастыруымен «Электрондық үкімет және электрондық мемлекеттік қызметтер» курсынан жергілікті атқарушы органдардың 3500 өкілі өтті. Олар, өз кезегінде, жаттықтырушы мәртебесін алып, алған білімдерін 686 мың азаматқа үйретті.

 

«Азаматтарға арналған үкімет»

мемлекеттік корпорациясы» КЕАҚ

баспасөз қызметі

04.02.2019

Мүмкіндігі шектеулі балалары бар отбасылар тегін психологиялық көмекке онлайн жүгіне алады

  «Азаматтарға арналған үкіметтің» әлеуметтік сала бойынша кеңес беретін 1411 тегін нөміріне қоңырау шалу арқылы мүгедектігі бар балаларды тәрбиелеп отырғандар псилохологиялық көмек алу кезегін брондай алады.

Мүгедектігі бар балаларды тәрбиелеп отырған ата-аналарға психологиялық кеңес беретін онлайн қолдау қызметін құру жөніндегі әріптестік келісім ҚР Денсаулық сақтау және әлеуметтік даму министрлігі, «Азаматтарға арналған үкімет» мемлекеттік корпорациясы және Қазақстан-Ресей медицина университетінің арасында 2015 жылы жасалған.

Онлайн қолдау қызметі құрылғалы бері барлық аймақтан2,4 мың өтініш келіп түскен. Қоңыраулардың дені Алматы, Атырау және Түркістан облыстарына тиесілі.

1411 байланыс орталығына хабарласқандар онлайн көмек алу уақытын белгілеп, кезекке тұрады. Медицина университетінің мамандарымен байланыс «Skype» бағдарламасы арқылы жүзеге асады, ол үшін белгіленген уақытта krmu1411 аккаунтына онлайн қоңырау шалу қажет.

Мүмкіндігі шектеулі балалардың ата-аналарына психологиялық көмекті медицина университетінің психиатрия, жалпы медициналық психология және педагогика кафедраларының кәсіби мамандары береді.

Психологтардың қызметіне жүгіну – балаларды тәрбиелеу және оқыту бағдарламаларын таңдау бойынша ақылы мамандардың қызметін төлей алмайтын және кәсіби мамандардың қабылдауына бара алмайтын шалғайдағы елдімекендерде тұратын ата-аналар үшін жақсы мүмкіндік.

 

«Азаматтарға арналған үкімет»

мемлекеттік корпорациясы» КЕАҚ

баспасөз қызметі

04.02.2019

22 өңірлік ХҚО бөлімінде жүргізуші куәлігін ауыстыруға болады

Еліміздің 11 облысы бойынша 19 аудандық және 3 қалалық халыққа қызмет көрсету орталығы арқылы аймақ тұрғындары жүргізуші куәлігін ауыстыра алды. Онда көлікті тіркейтін және жүргізуші куәлігін ауыстыру жұмыстарымен айналысатын аудандық әкімшілік полицияның тіркеу-емтихан алу бөлімінің мамандары қызмет көрсетеді. 2018 жылы аталған аудандық ХҚО-лар арқылы 12 мыңдай көлік жүргізушісінің куәлігі берілген.

Бұл секторлар арқылы азаматтар мерзімі бітуге таяу жүргізуші куәлігін жаңасына алмастыра алады, бұл ретте тиісті емтихандарды тапсырып, медициналық тексерістен өтудің қажеті жоқ. Аймақ тұрғындары көлік жүргізу құжатын жоғалтқан жағдайда аталған ХҚО-ларда уақытша құжат ала алады. Оның жарамдылық мерзімі 1 ай, кейін «жоғалғанның орнына» белгісімен жаңа көлік жүргізу куәлігі беріледі.

Бұл ретте көлік жүргізу құқығынан айырылған тұлғалар жүргізуші құжатын қалпына келтіру үшін тиісті емтихандарды тапсыру керектігін еске саламыз.

Сондай-ақ астаналық көлік иелерінің назарына жүргізуші куәлігін мамандандырылған ХҚО-дан бөлек Тәуелсіздік даңғ., 32 мекенжайындағы ХҚО-да алмастыруға болатынын хабарлаймыз.

Бұдан бөлек, көлікті тіркеу және жүргізуші куәлігін онлайн ауыстыру қызметінің электрондық үкімет порталы арқылы жүзеге асыруға болатынын еске саламыз. Бұл үшін көлік жүргізушісінің электрондық цифрлық қолтаңбасының болуы шарт. Портал арқылы өтінішпен қоса фотосурет және қойған қолының скан-суреті де жолданып, баж салығы төленеді. Жеке кабинетке құжаттың дайын болғандығы туралы хабарлама келген соң, (мобильді азаматтар базасына тіркелген жағдайда хабарлама SMS түрінде келеді) мамандандырылған ХҚО-ға барып, дайын жүргізуші куәлігін алып кетуге болады.

 

Жүргізуші куәлігін ауыстыруға болатын аудандық ХҚО мекенжайлары

 

Облыс атауыАудан атауыОблыс атауыАудан атауы
Алматы облысыЕңбекшіқазақ ауданы 

 

Қызылорда облысы

Қазалы ауданы
Ақмола облысыЕсіл ауданыЖалағаш ауданы
Ақкөл ауданыАрал ауданы
Степногорск қаласыЖаңақорған ауданы
Жамбыл облысыСарысу ауданыҚармақшы ауданы
Талас ауданыШиелі ауданы
ШҚОЖарма ауданыПавлодар облысыАқсу қаласы
БҚОҚазталов ауданыСҚОТайыншы ауданы
Бөрілі ауданыМаңғыстау облысыБейнеу ауданы
Қарағанды облысыҚарқаралы ауданыТүркістан облысыТүркістан қаласы
Осакаров ауданыСайрам ауданы

 

04.02.2019