АУДАН ЖАҢАЛЫҚТАРЫ

1 шілдеден бастап қазақстандықтардың зейнетақысы өседі

«Азаматтарға арналған үкімет» мемлекеттік корпорациясы зейнетақыны қайта есептеді. 1 шілдеден бастап 2,1 миллионнан астам зейнеткер ұлғайтылған зейнетақы алады. Қазақстандықтардың ынтымақты зейнетақы төлемдері жыл басында 9%-ға арттырылғанын ескере отырып, 11%-ға көбейетін болады. Базалық зейнетақы жыл басында 7%- ға арттырылғанын ескере отырып, 13%- ға  өседі.  Бұл тапсырысты Мемлекет басшысы 2017 жылғы қаңтар айында Қазақстан халқына Жолдауында берді.

Жолдауға сәйкес 2017-2018 жылдары зейнетақы мөлшері кезең-кезеңмен өседі.    2016 жылмен салыстырғанда 2017 жылдың 1 шілдесінен бастап зейнетақы мөлшері       20% – ға дейін көтеріледі. Мәселен, ең төменгі зейнетақы мөлшері (базалық зейнетақыны ескере отырып) 2017 жылдың 1 қаңтарынан бастап 40 950 теңге болса, 2017 жылдың          1 шілдесінен бастап 45 711 теңгеге дейін көтеріледі. Салыстырма түрде 2016 жылы ең төменгі зейнетақы мөлшері 37789 теңгені құрады. Базалық зейнетақы төлемдері биылғы жылдың 1 шілдесінен бастап 14 466 теңгені құрайды, ал  зейнетақының орташа мөлшері (базалық зейнетақыны ескере отырып) 66 676 теңгеге дейін артады.

Зейнетақы төлемдері барлық есепте тұрған зейнеткерлерге қайта есептеледі. Бұл ретте, қосымша құжаттарды ұсыну талап етілмейді.

Сондай-ақ, ана мен баланы қолдау бойынша мемлекеттік саясат шеңберінде               1 шілдеден бастап бала тууына байланысты біржолғы жәрдемақы мөлшері  20%-ға ұлғаяды. Бірінші, екінші және үшінші балаға жәрдемақы сомасы 38 АЕК немесе                86 222 теңгені, төртінші және одан кейінгі балаларға – 63 АЕК немесе 142 947 теңгені құрайды.

Сондай-ақ, жұмыс берушілерге Қазақстанда 1 шілдеден бастап міндетті әлеуметтік медициналық сақтандыру жүйесі іске қосылатыны туралы ескертеміз. Азаматтарға арналған үкімет МӘМС шеңберінде аударым және жарналарды қабылдауға ағымдағы шот ашылған. Аудару үшін деректемелер:

Бенефициар: «Азаматтарға арналған үкімет» мемлекеттік

корпорациясы» коммерциялық емес акционерлік қоғамы;

Бенефициар банкі: «Азаматтарға арналған үкімет» мемлекеттік

корпорациясы» коммерциялық емес акционерлік қоғамы;

БСК: GCVPKZ2A

ЖСК: KZ92009MEDS368609103

БСН: 160440007161

Сонымен қатар міндетті әлеуметтік медициналық сақтандыру жүйесі бойынша аударымдар мен жарналарды аудару кезінде төлемдерді тағайындаудың келесі кодтарын (ТТК) пайдалану қарастырылған:

121- Міндетті әлеуметтік медициналық сақтандыруға аударымдар;

122-Міндетті әлеуметтік медициналық сақтандыруға жарналар;

123 – Міндетті әлеуметтік медициналық сақтандыруға аударымдың

уақытылы аударылмағаны үшін өсімақы;

124– Міндетті әлеуметтік медициналық сақтандыруға жарналардың

уақытылы аударылмағаны үшін өсімақы.

    «Азаматтарға арналған үкімет»

    мемлекеттік корпорациясы» коммерциялық

    емес акционерлік қоғамының

    Баспасөз қызметі

28.06.2017

Ордабасы ауданы тұрғындарының назарына!

Ордабасы ауданында шағын және орта кәсіпкерлік субъектілерінің саны 9755 бірлік. Оның ішінде:

  • заңды тұлғалар саны – 832 бірлік;
  • дара кәсіпкерлер саны – 3224 бірлік;
  • шаруа немесе фермер қожалықтар саны – 5699 бірлік.

Оңтүстік Қазақстан облысының прокуратурасының 06.06.2017 жылғы             № 2-12070-17-10823 санды ұсынысына сәйкес, Әрбір кәсіпкерлік қызметпен айналысушы азаматтар міндетті түрде Мемлекеттік кірістер (салық) басқармасына тіркелуі қажет. Мемлекттік кірістер басқармасына тіркелмей кәсіпкерлікпен айналысу Қазақстан Республикасының «Кәсіпкерлік Кодексінің» 35 бабымен және Қазақстан Республикасының «Әкімшілік құқық бұзушылық туралы» заңының 463 бабымен құқық бузушылық болып табылады.

 

Ордабасы ауданының кәсіпкерлік бөлімі

28.06.2017

23 маусым – Қазақстан полициясы күні

ЕЛ ТЫНЫШТЫҒЫ КҮЗЕТІНДЕ
Бүгін Ордабасы ауданында Қазақстан полициясының 25 жылдығына арналған мерекелік ісшара аталып өтті.
Орталық алаңда аудандық ішкі істер бөлімінің және мамандандырылған күзет қызметінің жеке құрам қызметкерлері сапқа тұрғызылды. Аудандық Ішкі істер бөлімінің бастығы Қ.САХОВ мерекемен құттықтап, ел тыныштығын сақтаудағы ерен еңбектері үшін алғысын білдірді. Қызмет барысында опат болған қызметкерлерге бір минут үнсіздікпен құрмет көрсетілді. Салтанатты шеруден соң, мерекелік шара аудандық мәдениет үйінде жалғасты.
Бөлім бастығының орынбасары, подполковник Б.МАХАНБЕТОВ полиция бөлімінің жетістіктері жөнінде баяндама жасады. Аудандық ішкі істер бөлімінің 25 жылдық тарихы жайында бейнебаян көрсетілді.
Аудан әкімі А.МАМЫТБЕКОВ:
— Халық көп жағдайда биліктің демократиялылығы мен пәрменділігін сіздердің іс-әрекеттеріңізге қарап бағалайды.
Қазақстан полициясы өзінің құрылған күнінен бастап Елбасы Н. Ә. Назарбаевтың қоғамдық тәртіп пен азаматтардың қауіпсіздігін қамтамасыз ету бойынша алға қойған міндеттерін табысты жүзеге асырып келеді, – дей келе, полиция қызметкерлеріне ізгі тілегін жолдады.
Аудандық мәслихаттың хатшысы Б.Сәдуахасов та ақжарма тілегін арнады. Сонымен қа тар, жиын барысында құқық қорғау саласының үздіктері марапатталды.

21.06.2017

Қазақстанда «тәулік бойы» жұмыс істейтін тағы екі ХҚКО пайда болды

Азаматтарға арналған үкіметтің» ХҚКО-лардың түн ортасына дейінгі жұмысы бойынша пилоттық жобасы жалғасуда. Енді мемлекеттік қызметті алуға өтініш беру немесе дайын анықтаманы алу мүмкіндігін тек астаналықтар ғана емес, Алматы және Шымкент қалаларының тұрғындары да ала алады.
«Азаматтарға арналған үкімет» мемлекеттік корпорациясының Басқарма төрағасы Абылайхан Оспановтың айтуынша, алғашқы рет түнгі сағат 12-ге дейінгі жұмыс кестесі іске қосылған Сауран, 7 мекенжайындағы астаналық Халыққа қызмет көрсету орталығы қазіргі кезде баршаға танымал. «Біз пилоттық жобаға мұқият мониторинг жүргіздік. Оны іске қосқан сәттен бастап сағ. 20.00 мен 24.00 аралығы кезеңінде мемлекеттік қызмет көрсетуге шамамен екі мың өтініш қабылданып, 506 құжат берілген. Осындай сұранысты көріп, біз түн ортасына дейінгі жұмыс кестесін Шымкент және Алматы қалаларындағы бөлімдерде де енгізуді шештік, себебі бұл екі қала халық саны бойынша ең үлкен қалалар», -деді Оспанов.
Жұмыс кестесі дүйсенбі мен жұма аралығында сағ. 08.00-ден 24.00-ге дейінгі фронт-офистер Астана қ. Сауран 7, Алматы қ., Әуезов ауданы, Жандосов к-сі, 51, Шымкент қ., Қаратау ауданы, Нұрсат мөлтек ауданы, 24 мекенжайлары бойынша орналасқан. Айтпақшы, қызметті алушыларға ыңғайлы болу үшін, мемлекеттік баж салығын осы бөлімдерде сағ. 24.00-ге дейін төлеуге болады, себебі кассалар да «тәулік бойы» жұмыс режиміне ауыстырылған. Сенбі күні бұл бөлімдер сағ. 20.00-ге дейін жұмыс істейді.

“Азаматтарға арналған үкімет” коммерциялық емес акционерлік қоғамның баспасөз қызметі

16.06.2017

МӘМС шеңберінде аударымдар мен жарналарды қабылдау үшін ағымдағы шот ашылды

Осы жылдың 1 шілдесінен бастап Қазақстанда міндетті әлеуметтік медициналық  сақтандыру жүйесі енгізіледі. Барлық жұмыс берушілер, жеке кәсіпкерлер, адвокаттар мен жеке нотариустер өздері үшін және өз қызметкерлері үшін аударымдар мен жарналарды  Міндетті әлеуметтік медициналық  сақтандыру қорына аударатын болады.

«Азаматтарға арналған үкімет» мемлекеттік корпорациясы жеке сәйкестендіру нөмірлері  базасында аударымдар мен жарналарды есептеу және оларды Міндетті әлеуметтік медициналық  сақтандыру қорына аударатын операторы болып белгіленді.

Жұмыс берушілерге ыңғайлы болу үшін, төлеушілерге міндетті аударымдар мен жарналар бойынша төлем тапсырмаларын қалыптастыруға көмектесін «Міндетті әлеуметтік аударымдар мен зейнетақы жарналарын есептеу» автоматтандырылған арнайы жүйесі әзірленді. Оны https://gov4c.kz/programmnye-produkty сілтемесі бойынша өтіп, тегін орнатуға болады.

Сондай-ақ ұйымдар, кәсіпорындар және басқа да төлеушілер 1 шілдеден бастапміндетті әлеуметтік медициналық сақтандыру жүйесі бойынша аударымдар мен жарналарды келесі деректемелер бойыншатұрақты түрде аударулары тиіс ағымдағы шоттың ашылғанын хабарлаймыз:

Бенефициар:  «Азаматтарға арналған үкімет» мемлекеттік

корпорациясы» коммерциялық емес акционерлік қоғамы;

Бенефициар банкі: «Азаматтарға арналған үкімет» мемлекеттік

корпорациясы» коммерциялық емес акционерлік қоғамы;

БСК: GCVPKZ2A

ЖСК: KZ92009MEDS368609103

БСН: 160440007161

Сонымен қатар міндетті әлеуметтік медициналық сақтандыру жүйесі бойынша аударымдар мен жарналарды аудару  кезінде төлемдерді тағайындаудың келесі кодтарын (ТТК) пайдалану қарастырылған:

121- Міндетті әлеуметтік медициналық  сақтандыруға аударымдар;

122-Міндетті әлеуметтік медициналық  сақтандыруға жарналар;

123 – Міндетті әлеуметтік медициналық сақтандыруға аударымдың уақытылы аударылмағаны үшін өсімақы;

124- Міндетті әлеуметтік медициналық сақтандыруға жарналардың уақытылы аударылмағаны үшін өсімақы;

 

 

 

«Азаматтарға арналған үкімет»

мемлекеттік корпорациясы»

коммерциялық емес акционерлік

қоғамыныңбаспасөз қызметі

12.06.2017

КӘСІПКЕРЛЕР НАЗАРЫНА!

Оңтүстік Қазақстан облысының кәсіпкерлік, индустриялды-инновациялық даму және туризм басқармасымен«Бизнестің жол картасы 2020» бизнесті қолдау мен дамытудың бірыңғай бағдарламасы шеңберінде инновациялық жобаларға мемлекеттікгранттар беру бойынша конкурс өтетіндігін хабарлайды.
Мемлекеттік гранттар шағын кәсіпкерлік субъектілеріне, оның ішінде ісін жаңа бастаған жас кәсіпкерлерге, ісін жаңа бастаған кәсіпкерлерге, сондай-ақ әйелдерге, мүгедектерге және 50 жастан асқан тұлғаларға Бағдарлама шеңберінде экономиканың басым секторларында және өңдеуші өнеркәсіп салаларында жаңа бизнес-идеяларды іске асыру үшін өтеусіз және қайтарымсыз негізде, сонымен қатар моноқалаларда, шағын қалалар мен ауылдық елді мекендерде шағын кәсіпкерлік субъектілеріне, оның ішінде ісін жаңа бастаған жас кәсіпкерлерге, ісін жаңа бастаған кәсіпкерлерге, сондай-ақ әйелдерге, мүгедектерге және50 жастан асқан адамдарға мемлекеттік гранттар салалық шектеусіз беріледі.
Мемлекеттік грантқа өтінімдерді тіркеу күні2017 жылдың12маусымы, сағат 10:00-дежергілікті уақытпен(дүйсенбіден жұмаға дейін);
Мемлекеттік грантқа өтінімдерді тіркеуді аяқтау күні2017 жылдың01шілдесі, сағат 17-00-ге дейін жергілікті уақытпен(дүйсенбіден жұмаға дейін);
Қосымша мәліметтерді Ордабасы ауданы, Темірлан елді мекеніБ.Абасов көшесі №6/5 мекенжайда орналасқан «Кәсіпкерлерге қызмет көрсету орталығы» ғимараты, 2-қабат 11-кабинет«Ордабасы аудандықкәсіпкерлік  бөлімі» мемлекеттік мекемесінен алуға болады. Байланыс сымтетігі: 8 (72530) 79-117. 8-701-319-35-54.
Ордабасы аудандық
кәсіпкерлік бөлімінің басшысы П. Ташимова

06.06.2017

Тауар өндірушілердің назарына!

Аудандық ауыл шаруашылығы бөлімі «Тұқым шаруашылығын дамытуды субсидиялау қағидаларын бекіту туралы» 2014 жылғы 12 желтоқсандағы №4-2/664 бұйрығына өзгерістер енгізу туралы Қазақстан Республикасы Премьер Министрінің орынбасары- Қазақстан Республикасы Ауыл шаруашылығы Министрінің 2017 жылғы 27 қаңтардағы №34 бұйрығына сәйкес ауыл шаруашылығы тауарын өндірушілерден субсидия алушылардан тізіміне қосу жөніндегі өнімдері мен субсидия алуға қажетті құжаттарды 2017 жылдың 01 маусымынан бастап 30 маусымға дейін қабылдайды.

Ордабасы ауданы ауыл шаруашылығы бөлімі

06.06.2017

ОРДАБАСЫДА 16 ЖОБАНЫ ІСКЕ ҚОСУ ЖОСПАРЛАНДЫ.

Елбасы Н.Назарбаевтың «Қазақстанның үшінші жаңғыруы: жаһандық бәсекеге қабілеттілік» Жолдауында экономиканың жеделдетілген технологиялық жаңғыртылуы жөнінде айтылған-ды. Осы орайда, облыс басшылығы аудандардан инвестиция көлемінің экономикадағы үлесін арттыруды талап етіп келеді.
Бүгінгі таңда “Өңірлерді дамыту” картасы аясында «Gold Aluminum» кәсіпорны /инвестициялық құны 3 923,0 млн.т./ пластик өнімдерін шығару, алюминийден жасалған жарық өткізгіш конструкциялар өндіру цехын 50 жаңа жұмыс орнымен іске қоспақ.
Бадам ауыл округінде орналасқан Қазақ-Түрік индустриялды аймағының аумағы 50,0 га (30,7 га бос) құрайды. Аймаққа жалпы құны 15 млрд. 863,5 млн.теңге құрайтын 8 жоба (19,3 га ) 828 жұмыс орнымен, өңірлік үйлестіру кеңесінің оң қортындысымен мақұлданып,орналасуға мүмкіндік алды.
(Инженерлік инфрақұрылым құны 2 млрд 381,5 млн.тг. Ұлттық қордан 2 млрд. 084,8 млн.т., облыстық бюджеттен 231,6 млн теңге бөлінді).
Бадам өндірістік аймағы 153 га (55,5 га бос) жер телімімен ашылды. Аймаққа жалпы құны 45 млрд. 014 млн. теңге құрайтын 8 инвестициялық жоба, 1060 жұмыс орнымен орналасуға ниет білдіріп, жер телімін келісім- шарт негізінде сатып алды.
Бұл тұрғыда, Ордабасы ауданында инвесторларды көптеп тарту және оларға жағдай жасау, әкімшілік кедергілердің орын алуына жол бермеу мақсатында арнайы жұмысшы, мобильді топтар құрылып, инвесторларды тарту бойынша жұмыс жоспары, рұқсат беру құжаттарын рәсімдеуде әкімшілік кедергілердің орын алуына жол бермеу мақсатында тиісті бөлімдер аралығында қозғалыс сызбасы әзірленді.

05.06.2017

МҮМКІНДІГІ ШЕКТЕЛГЕНМЕН АРМАНДАРЫ АСҚАҚ

Аудандық жұмыспен қамту және әлеуметтік бағдарламалар бөлімі 1-маусым — «Халықаралық балаларды қорғау күніне» орай «Болашағын ойлаған ел бөбегін аялайды» атты қайырымдылық іс-шарасын өткізді. Мұнда мүмкіндігі шектеулі балаларға арнайы дастарқан жайылып, сыйлықтар үлестірілді.
Аудан әкімінің орынбасары Б.ОМАРБЕКОВ, аудан әкімі аппаратының басшысы А.ОРАЛБАЕВ, аудандық ардагерлер кеңесінің төрағасы Т.ӘБДІҚАЙЫМҰЛЫ, аудандық әйелдер кеңесінің төрайымы М.ЗӘЙТҮНҚЫЗЫ, аудандық ата-аналар комитетінің төрайымы А. РАХИЕВА, зейнеткер З.ӘБІШЕВА бүлдіршіндерді мерекемен құттықтап, қоғамымыздағы бар жақсылықтың балаларға жасалатынын айтып өтті, оларға шат күлкі, бақыт тіледі.
Атап өту керек, Ордабасы ауданында 111 мүгедек бала есепке алынып, оларға 22 әлеуметтік қызметкер қызмет көрсетуде
Мерекелік жиынға бүлдіршіндер де құр қол келмеген. Олар ән айтып, сурет салып, өнерлерін ортаға салды. Әсіресе, АЙМҰРАТОВА Назеркенің қылқаламынан шыққан туындылар көпшіліктің қызығушылығын тудырды.

30.05.2017