ӘКІМНІҢ БЛОГЫНА ТҮСКЕН СҰРАҚҚА ЖАУАП

СҰРАҚ:

Салеметсизбе әкім мырза. Мен Темирлан ауылынын тургынымын.Аты жоним Жапарова Дана. Коктобе даригерлик емханасында даригер болып 2015 жылдан кызмет аткарамын. 2015жылы дипломмен ауылга багдарламасы бойынша тургын уй алуга құжаттар откиздим. 2017 жылы  маган   тургын уй алуга каражат берилудент бас тартылды. Осы сурак бойынша жауап алгым келеди.Жане осы 2018 жылы кайта кужат откизе аламын ба? Комек беруинизди суранамын.

Құрметті Жапарова Дана!

Сіз 2017 жылы «Дипломмен ауылға» жобасы бойынша тұрғын үй сатып алуға бюджеттік несие алуға өтініш білдіріп құжаттар ұсынғансыз, құжаттарыңыз комиссия отырысында қаралып 07.08.2017 жылғы №2 хаттамасына сәйкес Сізге тұрғын үй сатып алуға бюджеттік несие беруден бас тартылған.

«Дипломмен ауылға» жобасының талаптары бойынша, маман сатып алатын тұрғын үйінің мекен-жайы жұмыс істеуге және тұруға келген ауылдың мекен-жайына сәйкес болуы қажет.

Сіз Көктөбе ауылыныда орналасқан Көктөбе ауылдық дәрігерлік амбулаторияда 17.07.2015 жылдан жұмыс істейсіз, ал халыққа қызмет көрсету орталығының анықтамасына сәйкес Темірлан ауылында 17.08.2015 жылдан тіркеліп тұрсыз, сатып алатын тұрғын үйіңіз Темірлан ауылында орналасқан. Яғни, тұрғылықты мекен –жайыңыз және сатып алатын тұрғын үйіңіздің орналасқан мекен-жайы жұмыс жасайтын мекемеңіздің мекен-жайына сәйкес емес болғандықтан комиссияның шешімі бойынша Сізге тұрғын үй сатып алуға бюджеттік несие беруден бас тартылған.

Қағидаға сәйкес, аудан әкімдігінде құрылған комиссия мамандарға әлеуметтік көмек қолдау шараларын беру мәселелері туралы қарастырылғанда Қазақстан Республикасының заңнамаларына сай жағдайлардың әр түрлі өзгешеліктерін ескере отырып, тиісті және нақты шешім қабылдайды.

Сұрақ:

Сəлеметсізбе Əкім мырза!Мен Шубарсу ауылы тұрғынымын.Бізде өзіңіз білгендей көмірге тапшылық жылда болады,күн суыта бастаса.Соған байланысты біздің ауылға қашан газ желісі тартылады екен?Үйткені бізде халық саны жыл сайын артып келеді.

Құрметпен Ералықызы Балхия.

 Жауап:

Құрметті Балхия Ералықызы!

Шұбарсу елді мекенін табиғи газбен қамтамасыз ету мақсатында қазіргі таңда сәулет жоспарлау тапсырмасы(СЖТ) әзірленуде, СЖТ әзірленгеннен кейін «Ордабасы ауданының 2017-2021 жылдарға арналған әлеуметтік-экономикалық даму концепциясына» сәйкес жобалау сметалық құжаттама  әзірленіп 2019 жылы  Шұбарсу елді мекенін табиғи газбен қамтамасыз ету жоспарлануда.

Сұрақ:

Саламатсыз ба? Мен Толбасиева Балжан Ансарбаевна “Атамекен ” жалпы орта мектебінде ағылшын тілі пəні мұғалімі болып 2012 жылдан бері жұмыс істеп келемін. Қайтарылмайтын жəрдем ақыны алғанмын. Яғни подёмный. 😊

     Менің отбасылық жағдайыма келетін болсам. Мен екі баланың анасымын.  Екі баламды жалғыз өзім тəрбиелеп келемін. Жалдамалы квартирада жүргеніме 6 жылға бара жатыр. Өтініш маған үй алуыма көмек беріңізші. Осы дипломмен ауылға бағдарламасы бойынша жəне екі балама көмектесіңізші.Өтініш

Рахмет.

 Жауап:

Құрметті Төлбасиева Балжан Аңсарбаевна!

Сіз, Шұбарсу ауылында орналасқан «Атамекен» жалпы орта мектебінде ағылшын тілі пәнінің мұғалімі болып 2012 жылдан бері жұмыс істеп көтерме жәрдем ақы алған екенсіз. Көтерме жәрдем ақы алғаннан соң, Сіз, тұрғын үй сатып алуға бюджеттік несие алу үшін комиссияның жұмысшы органына құжаттар ұсынуыңыз қажет болатын. Алайда, Сіз, құжаттар ұсынбағансыз.

Толығырақ «Дипломмен ауылға» жобасы бойынша ақпаратты алу үшін, комиссияның жұмысшы органы «Ордабасы аудандық экономика және қаржы бөлімі» мемлекеттік мекемесіне жүгінуіңізге болады.